عصفور

عصفور

اهداء

الى اية واسلام

جناحيا اللذان

احلق بهما فى الافاق

انا العصفور ابو الجناحات

ومملكتى

بوسع الارض والسماوات

وزقزقتى

نغم بيرتل الدعوات

انا العصفور

الف وادور

( ورزقى فى الغيطان مبدور )

ورفرفتى

هديل الحب والصلاوات

بمنقاري

بنيت العش

بحبة قش

ولما الشمس بتروح

وخيط الضلمة راح يسرح

بعود للعش

الغلابه

الغلابه

بيسندوا ضهر الديابه

يحلموا علشان خاطرهم

يشنقوا ف الليل ضمرهم

ضاع سؤالهم

والاجابه

الغلابه

يعرفوا ازاى يحبوا

حب اعمى

حب اخرس

عمرة ما بينطقش كلمه

ف ساعه الكأبة

لجموا فى صوتى الغناوى

كنت شاعر

ولا غاوى

ولا كنت يا قلبي ناوى

انظم الموال صبابة

للغلابة

موت يا ليل

مشنوق ف دارنا

كفن العتمه ف نضارنا

ازرع الصبار لغيرنا

وخرس الناى

والربابة

حلاوة الروح

حلاوة الروح

لما شمسك

مره تشرق ع الحيطان

انشري حزنك

على حبل الغسيل

واسألى فصل الشتا الماضى

ليه قبلتى انى اكون قاضى

وانفخ القربة على الفاضى

قصدي اكون شايل لوحدى الهم

فوق كتافى

ولا بين الدم

ولا جوه الروح

زمان ولا

ناحت البومه على الفلة

صدرى ضاق

مابقاش يستهجى البوح

وانتى فكرانى بغنيلك

ريحه الجرح ف مواويلك

دمعى طافح جوة منديلك

والكتاب

ماهش صدق وكدب

الكتاب

يهدى اللى ضل الدرب

لو يكون جاهل بشرق وغرب

قسمى بنا الدموع والجرح

زى ما قسمتى الخيل والطرح

الجراح نامت فى فرشتنا

واتصلب فينا

الالم والفرح

قصائد صغيرة

قصائد صغيرة

1

بحلف يا مين

عمرى ما حنيت للبكا

ولا قلبي من تعب السنين

مره اشتكي

لما الحقيقه عن عيون الخلق غابت

معرفش ليه يا مايا

شلتنى الخطا

2

نهنه على كتفى

يا حلم الشقيانين

يمكن دموعك

تغسل الماضى الحزين

حاسس بنبضك

ف عروقى يهزنى

يا تهدنى

يا تخلى لومك

ع السنين

3

تاهت مطارحنا

وروحنا

ومين يريحنا

والاه بتنهش ف الضلوع

غرقانه ف جراحنا

يا حلمنا المجروح

انت اللى جارحنا

لا بقينا احنا

ولا سوينا الكدبين

4

امتى يا شمس الحلم

هتهلى

من بين زمان العتمه

وتطولى

لون الخريف عشش

على فولى

لا عرفنى خلى

ولا خويت الطيبين

صاحبي

صاحبي

( الى الشاعر الدكتور / طه هنداوى )

خليك جدع

واقف كما جذع الشجر

مش اى ريح تنحنلها فاتنكسر

دانا لسة صاحبك

كتف زاد

وكتف ميه

والهم لو يتقل عليك

اقسم عليا

يا صاحبي

يا ريحه الضنا

يا ندعه النور جوة نن العين

من صغرنا اللى اتنين

بنحلم بالحاجات

والحلم زى الخيط ولاضم سبحته

حبات خرز

مروا الحرس

مسكين بطرف الخيط

داست سنابكهم على قلبي

صرخ

مش قلت لك يا صاحبي

كان قلبي لسه عبيط

اخضر كما البلاب

مادد ف كل غيط

عشمان ف ريحه طمى

شهقة من عروق النيل

والليل

الليل ربابة حزينه تأن موال

كل ليل

يا معشمين البن

بالحلق الدهب

يوم تنخطب

البنت مدفوع مهرها

مر و تعب

والارض

الارض عشق المبهورين بالزيف

لما الخريف يحصد سنابل عشقهم

هلقاك يا صاحبي

زيهم

لساك بتلحم بالحاجات

مجنون

مجنون

على بال ما تغيب الشمس

ف خيط العتمه ويجي الليل

انا هفرد طولى

وهلف دراعى حوالين كتفى

وادفن يومى المرعوب

ف تراب همى

واحلم يا نجوم

بالقمر الطالل من شباك السما

فارد ضيه

بيصحى الكون

مجنون

يمكن

لكن بعرف احلم

وبحس بجرحى وبتألم

تعرفى يا نجوم ياموا مداين

انا عمر قليبي ما كان خاين

دانا طين الارض

وعرقى ف توبي

لساه باين

من امتى النيل بيخون صاحبه

من امتى الطير بيحط ف اى مكان

ويفوت وطنه من امتى الشمس بترخى شعورها

لناس ولناس

ملعونه الضحكه ام شفايف

بالطول والعرض

ملعون القلب ان كان خايف

من طوب الارض

ملعونه حبيبتي واحلامنا وحكايتنا

تحت الياسمين

ملعونه كل المجانين

رغم احتمال البوح

رغم احتمال البوح

اتوارب القلب اللى غرقان

ف الرجاح ع الدمع

لجلن يغوص ف البكا الخرس

فارد دراعينه على حدود المدى

للخوف

ملفوف بتوب الهجر

رغم انه ما بيسافر

وبيعافر ف در الريح

حصان رماح

نديم عطر الرجوع ليكي

عبير فواح

وطمرك طاب

على نخلك

ف هزى

يسقط المكتوب على اهلك

وضميني

مابين صدرك وانفاسك

يفيض النيل

ديل صافى

بلون حلمك